Tərkibi:
Xəmiri üçün:
2 su stəkanı un
3 xörək qaşığı yumşaq marqarin
1 ədəd/ yumurta
Yarım su stəkanı pudra şəkəri
1 ədəd limonun rəndələnilmiş qabığı
1 paket vanil
Bir çimdik duz
Yarım su stəkanı süd
Yarım su stəkanı döyülmüş fındıq içi
Kremi üçün:
1 ədəd yumurta sarısı
2 su stəkanı süd
2 xörək qaşığı un
3 xörək qaşığı toz şəkər
1 paket vanil
Bəzəmək üçün:
250 qram təzə üzüm
Bir neçə yarpaq nanə
Hazırlanması:
Xəmiri
hazırlamaq üçün fındıq və süd xaric, bütün vəsaiti qarışdırıb yoğurun
və normal yumşaqlığında bir xəmir əldə edin. Əgər xəmiriniz sərt olsa
içinə 2 xörək qaşığı süd qataraq yumşada bilərsiniz. Xəmiri 15 dəqiqə
soyuducunda saxlayın. Daha sonra xəmiri bir soba qabına əlinizlə
basdıraraq yayın. Əvvəldən isidilmiş 200 dərəcədə sobada 15 dəqiqə
bişirin və soyumağa qoyun. Kremi hazırlamaq üçün, vanil xaric bütün
vəsaiti bir qazanda yaxşıca qarışdırdıqdan sonra ocağa qoyun. Davamlı
qarışdıraraq krem halına gələnə qədər bişirin. Ocaqdan götürdükdən sonra
vanili əlavə edib qarışdırın və soyumağa qoyun. Qabdakı xəmir
soyuduqdan sonra əlinizlə parçalayıb içinə fındıqları əlavə edin. Südü
də əlavə edərək yumşadın. İstədiyiniz şəkildəki qəlibləri bir qaba
yerləşdirib içlərinə xəmirdən bir barmaq yüksəkliyində qoyun. Soyumuş
kremi də xəmirin üstünə əlavə edin. Təkrar xəmir və krem qoyaraq
əməliyyatı təkrarlayın. Tortcuqların ən üstünü üzümlə bəzəyərək servis
edin.