Ərzaqlar:
Xəmir üçün:
Üç yumurtanın sarısı (ağları içlik üçün)
200 ml smetan
200 q yağ
Bir çimdik duz
300-350 qr un

İçlik üçün:
Üç yumurtanın ağı
0,5-1 st şəkər
Vanil zövqə görə

Hazırlanması:
Yumurtanin sarısını ağından ayırıb duz əlavə edirəm, smetan və ilıq yağ ilə qarışdırıram. Un əlavə dib xəmir yoğururam. İki kündəyə ayırıb qida plyonkasına büküb 1-1.5 saat soyuducuda saxlayıram.
Bu vaxt ərzində içliyi hazırlayıram. İçlik üçün ayırdığımız yumurta ağlarını köpüklənənə qədər çalıram və yavaş-yavaş şəkər və vanili əlavə edib bir az daha qatılaşması üçün 5-7 dəqiqə çalıram.

Kündəni soyuducudan çıxarıb nazık yayıram və üzərinə içliyi yayıram. Rulet şəklində büküb artıq qalan içliyi təmizləyirəm. İti bıçaqla hissələrə bölürəm və alt tərəfini bitişdirirəm ki, içlik axmasın. 200 C dərəcə sobada 20-25 dəqiqə bişirirəm.

Nuş olsun!