Ərzaqlar:
Kərə yağı – 200 qr
Şəkər – 150 qr
Yumurta – 4 ədəd
Kişmiş – 150qr
Kuraqa – 100 qr
Qoz-fındıq – 150 qr
Qara gavalı – 100 qr
Un – 300 qr
Qabartma tozu – 3 ç/q

Hazırlanması:
İlk öncə quru meyvələri isti suda isladıb 15 dəqiqə saxlayırıq. Bu üsulla onlar həm yuyulacaq, həm də yumşalacaq.
Kərə yağını kiçik hissələrə doğrayırıq və şəkərlə qarışdırırıq. Bu qarışıma yumurtanı da əlavə edib qarışdırırıq. Quru meyvələri kiçik hissələrə bölüb qarışıma əlavə edirik. Unu qabartma tozu ilə qarışdırıb qarışıma əlavə edib qarışdırırıq. Alınan xəmir qatı xama konsistensiyasında olmalıdır. Keks üçün formanı yağlayırıq və qənnadı kağızı qoyuruq. Xəmiri formaya töküb 180C dərəcə qızdırılmış sobada təxminən 50 dəqiqə bişiririk. Bişdikdən sonra zövqə görə üzərinə şəkər kirşanı da səpmək olar.



Nuş olsun!