Hazırlanması: Yumşalmış kərə yağına şəkər kirşanını əlavə edib yaxşıca qarışdırırıq. Otaq temperaturunda olan 1 yumurtanın ağını və vanili də əlavə edib qarışdırırıq. Unu əlavə edib xəmir yoğururuq. Xəmiri ulduz formalı başlıq taxılmış qənnadı torbasına doldururuq və soba nimçəsinə elə də böyük olmayan peçenyelər salırıq. Əgər qənnadı torbası yoxdursa fayl və ya selofan kulokun ucunu kəsib istifadə edə bilərsiniz. Hər peçenyenin ortasında xırda çuxur açıb cem və ya qatı mürəbbədən qoyuruq. Qatı mürəbbə və ya cem yoxdursa adi mürəbbə götürüb bir az nişasta qataraq istifadə edə bilərsiniz. Əvvəlcədən 220 C dərəcə qızdırılmış sobada təxminən 12 dəqiqə qızılı rəng alana qədər bişirik.