Heyva sevərlərə xüsusi şirniyyat RESEPTİ Qışda ən çox sevilən şirniyyatlar arasında heyva şirniyyatı xüsusi yer tutur. Ailem.az sizə ləzzətli heyva şirniyyatının reseptini təqdim edir.
Lazım olanlar:
5 ədəd heyva 1 stəkan yarım şəkər tozu 4 ədəd mixək 1 ədəd çubuq darçın 2 stəkan su
Hazırlanması:
Əvvəlcə heyvaları yuyun. Qabıqlarını soyub ortadan iki yerə bölün və dənələrini çıxarın. Ortasını oyun, amma atmayın. Bir ləyəndə heyvaların boyunu keçməyəcək qədər su tökün və 15-20 dəqiqə qaynadın. Qaynatdığınız heyvaları dərin bir soba qabına yığıb, üzərinə şəkər tozu, darçın, mixək və suyu əlavə edib, əvvəlcədən isidilmiş 150 dərəcəlik sobada 25-30 dəqiqə bişirin. Yumşalan heyvaları sobadan çıxarıb, qaymaq və ya fındıqla servis edə bilərsiniz.