Paris moda həftəsi çərçivəsində "Balmain” moda evinin kreativ direktoru  Olivye Rusten yeni kolleksiyasını nümayiş etdirib.

Kolleksiyanın nümayişində Yelena Perminova, Miroslava Duma, Anna Dello Russo, Anna Vintur, Kris Cenner və digər tanınmış simalar iştirak ediblər.

Olivye Rusten yeni kolleksiyasında olduqca mürəkkəb ornamentlərdən, toxunma zamşa və materiallardan istifadə edib. Bundan başqa, volanlara da laqeyd qalmayıb. Volanlı modellər o qədər çox olub ki, podiumda qızlar sanki uçurmuş kimi təəssürat yaranıb. Torlar isə kolleksiyada əsas dekorativ motivlər olub. İri və xırda toxunma da xüsusi seçilib. Rənglərin harmoniyasına gəldikdə, dizayner burada təbii rənglərə müraciət edib.

Ümumilikdə, kolleksiya zümrüd, sapfir  kimi təbii daşların, o cümlədən ağ və qaranın ahəngindən ibarətdir.