İnsanın arzu və istəklərinin dəyişmə sürətinin yüksəkliyi hətta psixoloqları belə çaşdırır. Ən gözəl, ən əlçatmaz bir şeyə sahib olmaq istəyimiz, onu əldə etdikən dərhal sonra yorulmaq ehtimalımızın yanında kölgədə qalır. Xüsusilə də qadınlarda bu cürdür. Bu məsələ dəb aləmində, geyim seçimində daha çox müşahidə olunur.

Yayın qızmar günlərində insanlar əsasən ağ rəngli və ya digər açıq rəngli paltar geyinməyə üstünlük verir. Bunun səbəbi isə odur ki, ağ rəng günəş şüalarını əks etdirir və içinə çəkmir. Beləliklə də, ağ rəngli paltar insan bədənini daha sərin saxlayır. Qarın günəş şüaları altında uzun müddət əriməməsinin səbəbi də budur.

Qara və tünd rəngli paltar isə tam əksinə, günəş şüalarını özünə çəkir. Bu baxımdan qış aylarında qara və tünd rəngli, isti yay günlərində isə ağ və açıq rəngli paltar geyinmək daha məsləhətlidir.

Araşdırmalar göstərir ki, yay aylarında qara rəngli paltar insan bədənini ağ rəngli paltara nisbətən 5 dərəcə daha isti saxlayır.