Maskulen geyimin son bir neçə ildir ki, populyarlığına davam etdiyini görürük. Bu geyim tərzinin qadın geyim dəbinə təsiri olduğu kimi, aksessuar və s. detallarda da özünü göstərir. Məhz bu detallardan biri olan qara lent və ya kəpənək trendinin qış mövsümünün vacib aksessuar dəbindən biri olduğunu deyə bilərəm. Adətən ağ köynəklərin yaxasında bağlanan lent və ya şərflər diqqət çəkir. Lakin bir çox dizaynerin kolleksiyasında yaxasında qara lent detalı olan parçalar da görmək mümkündür.

Qara lent və kəpənək detalı müxtəlif şəkillərdə də istifadə edilə bilər. Sadə, düz  bluzun üzərinə bağlayacağınız lent, ya da yaxası olan hər hissəyə əlavə olunacaq bir parça qara lent ilə tələbə görünüşü yaxalaya bilərsiniz.