Bir qadın evindən çıxdı və bağında oturan üç ağsaqqal gördü. Onlar qadına tanış gəlmədi.
- Sizi tanımıram amma yəqin ki, acsınız. Keçin içəri sizə yemək hazırlayım.
- Evin Kişisi evdədir? Ağsaqqalın biri soruşdu.
- Yox işdədir qadın cavabladı.
Onda biz gələ bilmərik.
Axşam, qadının əri evə gələndə, qadın bütün baş verənləri ona danışdı.
- Onda get onlara de ki, mən artıq gəlmişəm, keçsinlər bizimlə şam yeməyi yesinlər.
Qadın dərhal çölə çıxdı və ağsaqqalları evə dəvət etdi.
- Biz heç bir evə birlikdə getmirik.
Niyə?
-Bilirsən, bunun adı Puldur, o Xoşbəxtlikdi, mən isə Sevgiyəm. İndi gir içəri və ərinlə müzakirə et və qərar verin ki kim gəlsin.
Qadın girdi evə və ərinə hamısını danışdı.
- Aaa, nə yaxşı!!!
Kişi sevindi.
- Əgər belədirsə, onda Pulu dəvət edək ki, varlı olaq.
Qadın onunla razı deyildi.
- Yox, gəl Xoşbəxtliyi dəvət edək. Evə yeni gəlmiş gəlin söhbəti eşitdi və qatılmağa qərar verdi.
- Deyirəm bəlkə Sevgini dəvət edək. Evimiz qoy sevgi və mehribançılıqla dolsun! Qadın və Kişi bir an fikirləşdi və gəlin ilə razılaşdılar.
Qadının əri ona dedi:
- Onda get Sevgini evə dəvət et.
Qadın yenidən çıxdı çölə və dedi:
- Sizdən hansınız Sevgidisə onda keç içəri qonağımız ol!
Sevgi durdu evə yaxınlaşdı və qalan iki kişi də durub gəldilər.
- Mən axı yalnız Sevgini dəvət etdim. Siz niyə gəlirsiz?
- Bilirsiniz, xanım, siz Pulu ya Xoşbəxtliyi dəvət etsəydiniz onda qalan ikimiz qalardıq, amma siz Sevgini dəvət etdiniz. Və Sevgi hara gedir, bizdə ora... Harda sevgi varsa orda pul və Xoşbəxtlik də var!