Son bir dəfə daha sev məni, bir dəfə daha uzat əlini, haydı bir daha sınayaq! Başqa bir bahar olar bəlkə bu səfər, bəlkə bacararıq sevməyi, nə deyərsən?
Hanı o uzun illər birlikdə getmiş cütlər kimi, hanı biri ölüncə digəri çox qala bilməyən yaşlı amma çox böyük sevdalar kimi olarıq bəlkə, kim bilər?
Bir dəfə daha sev sən məni, bir dəfə daha sına gözlərimdə əriməyi. Nəyi səhv etdinsə, onu etmə bu səfər. Mən nəyi etmədinsə ona ehtiraslı qalayım….
Heç bir gecə yarısı söhbətində dalaşmayaq. Nə mən xatırlayım o pis günləri, nə sən, hər şeyi ən başdan alaq Olmazmı? Olar bəlkə!
Gəl indi heç bilmədiyimiz yollara gedək səninlə, heç getmədiyimiz kimi gedək və heç sevişmədiyimiz kimi toxunaq bir daha.
Hansı qaranlıq yanımıza gəlmişsə keçmişimiz, onu unudaq bir çırpıda. Mümkünsə bir dəfə daha yazaq eşq kitabını amma ayrı-ayrı deyil, bu səfər yan-yana!
Bir dəfə daha sev sən məni, daha əvvəl sevməmisən kimi, ürəyin ürəyimi heç görməmiş kimi… Kəşf et məni, görəcəksən nə qədər çox dəyişdiyimi və bəlkə başqa bir dərinlik tapacaqsan ürəyimdə və bu səfər ona tutulacaq ağılın, kim bilər?
Bir dəfə daha sev sən məni, bax baxaq fərqli rənglərdə də rəqs edirmi ürəyin? İllər keçdi dəyişdik ikimizdə. Elə ya, həyat da rəndələdi bizi! İndi fərqli bir mahnı söyləyirik bəlkə və artıq eyni mahnının nəqaətləri olarıq birlikdə.
Sən bir daha sevməyi sına məni, yeni doğulmuş bir körpə və ya günəş kimi…. Bacara bilməzsək, mən bir dəfə daha öləcəyəm səninlə, keçmişin xatirələri heç silinməmiş kimi…