Sən üzülmə canım, o gözəl qəlbinə qəm-kədər gəlməsin, gözlərin heç dolmasın bu hesrətin, ayrılığın amansız acısından. Sənə bir şey olarsa mən yaşaya bilmərəm. Mən səninlə yaşayıram, varlığındı yaşam səbəbim. Olsun boş ver, bitməsin bu ayrılıq. Mən ki, səni ayrılıqda da sevirəm. Heç üzülmə sevdiyim mən dözərəm qismət budur deyə...
Heç düşünmə birdənəm, ağlına da gəlməsin bir gün səni unudaram. Səni unutduğum gün olmayacaq. Hər səhər sevginlə oyanıb hər an dualarımda səni anacam. Hər axşam yatağımda səssizcə ağlayaraq düşünəcəm səni, şəklinə doyunca baxacam. O son sözlərini xatırlayacam, acılayacam səni. Niyə getdin? Belə çox sevirdinsə. Niyə getdin? Sonra yenə qismət deyəcəm, dözməliyəm nə edim...
Hər şey dəyişdi canım, şərtlər daha ağırlaşdı bizim üçün. Bir də dönə bilmərik o günlərə. Amma bil ki, çooox sevdim mən səni ağlına belə gəlməyəcək qədər çox! ALLAH şahidim olsun, kimsə belə sevilmədi səndən öncə, sonra da sevilə bilməz....