Mono pəhriz tərkibində yalnız 1 ərzaq olan pəhrizdir - alma, kök, qatıq və digər ərzaqlardan biri buna misaldır. Bu cür pəhrizə mütəxəsis nəzarəti olmadan başlamaq qətiyyən olmaz. Belə pəhrizdən sonra "şoka" düşmüş orqanizm (əgər ciddi nəzarət olmazsa) az bir müddətdə piy ehtiyyatə toplayır və çekiniz daha da çox artır. Mono pəhriz ağır olduğu ücün müddəti 4-7 gündür. Bundan sonra piylənməmək üçün mono pəhrizin ardınca az kalorili pəhrizə başlayıb və idman edilersə, artıq piylərdən, kökəlməkdən söz gedə bilməz. Əksinə, ikiqat yaxşı nəticə əldə etmek danılmazdır. Az kalorili rejimlə qidalanmanın müddəti 2-3 ay ola bilər. Bu cür qidalanma orqanizmi yormur, zərərsizdir. Adından da göründüyü kimi, az kalorili pəhriz sutkalıq kalori tutumu aşagı olan menyudan istifadə etməklə icra olunan rejimdir. Burada demək olar ki, bütün dadlı nemətlərdən (qlikemik indeksi aşağı olan ərzaqlar) istifadə olunur. Lakin çox ağıllı şəkildə. Heç bir pəhriz və sağlam qidalanma rejimi yüngül də olsa idman hərəkətləri edilməsə ,nəticə vermir. Bunun üçün fitnes və trenajor zallarında məşqçi nəzarəti ileə məşq etmək məqsədəuyğundur. Buna vaxt ayıra bilməyənlər evdə səhər gimnastikasə və axşam 30-40 dəqiqəlik yürüş etsinlər. Pəhriz zamanə mədənizə korluq verməyin. Təcrübəli dietoloq, sağlam qidalanma mütəxəssisi və ya idman nutrioloqu ilə ciddi məsləhətləşmələr aparın. Ən başlıcası isə həkim müayinəsidir. Qastroenteroloq, terapevt müayinəsindən keçin, gərəkən analizləri verin. Həkimin rəyi və yekun nəticələrdən sonra müvafiq şərtlərə uyğun pəhrizlərə başlayın. Bele olarsa gözəlləşmək üçün orqanizminizə zərər verməzsiniz, sağlam şəkildə arıqlaya, bəzi səhhət problemlərinizi həll edərək daha rahat, özunə inamlı, həmçinin digərlərinə örnək olaraq yaşaya bilərsiniz. Unutmayın-gözəllik kosmetik prosedurlar deyil, sağlamlıq gözəllikdir!