Qadınlar ilk
olaraq xəyanətin qoxusunu hiss edirlər. Daha sonra şübhələrin arxasınca
gedirlər. Aldatıldığından şübhələnən qadını durdurmaq mükün deyil.
Kişilər niyə xəyanət edir? Bütün kişilər xəyanət edirmi? Xəyanət edən kişi vicdan əzabı çəkirmi?
Bu kimi sualları başqa bir vaxta saxlayıb aldadılan qadınların nə etdiklərindən danışacağıq.
Kişilər
xəyanət etdikləri zaman bunu sevdiyi qadından gizli qalacağını
düşünsələr də, xəyanətləri bir gün ortaya çıxır. Qadınlar əvvəlcə
şübhələnir və daha sonra başlarına gələn ən pis şeyin izinə çıxırlar.
Qadınları şübhəyə salan məqam kişinin davranışındakı dəyişiklikdir.
Ona
olan diqqətini itiribsə, dalğın, gərgin və stresslidirsə, deməli, nəsə
var... Heç bir səbəb olmadan əsəbi davranır, hətta mənasız davalar belə
çıxara bilir. Bundan başqa huzursuz olur və cinsi istəkləri də azalır.
Evə gəldikdə isə mobil telefonunu yanından ayırmır və gələn zənglərə
ehtiyatla yanaşır. Ya da evə gəldikdən sonra telefonu səssiz rejimə
qoyur. Bəziləri isə telefonu söndürür. Məşhur bir psixoloqun yanına
gələn qadınlardan biri isə "Telefonu alt paltarında gizlətdiyini
gördüyüm zaman məni aldatdığını anlamışdım” deyib. Qısası, qadınlar
bunu yaxşı hiss edirlər.
Bundan sonra təqiblər başlanır və
internet parolları öyrənilir. Kişilər isə sıxışdığını görən zaman
evliliklərini xilas etmək adına bir çox bəhanələrə əl atır. Bu
yalanlarda xəyanətin qoxusunu hiss edən qadın sonda hər şeyi öyrənməyə
nail olur.
Lakin bütün qadınlar belə olmur. Ərlərinə hədsiz
dərəcədə inanan qadınlar, bu yalanları başa düşmür. Ərini əlindən alan
qadın isə ona zəng edərək bütün dünyasını və ailəsini dağıtmağa müvəffəq
olur.
Aldadılğını öyrənən qadın ərindən intiqam almaq üçün plan
fikirləşir. "Mənə çəkdirdiyi acını özünə yaşadacam” və.s kimi
fikirlərlə gəzir.
İntiqam almaq üçün ərini tərk edən və yaxud
boşanan qadınlar da olur. Uşaqlarını ərindən gizlədən qadınlara da rast
gəlinir. "O, bu uşaqları görməyə layiq deyil...” və.s kimi sözlər
işlədirlər.
intim qadağası qoyan qadınlar da olur. Ən psisi isə sosial mühitdə ərini rəzil edib alçaldan qadınlar da olur.
Ən
ağır intiqam isə xəyanətə, xəyanətlə cavab verməkdir. Həm də ərinin və
ya sevgilisinin ən yaxın dostu ilə xəyanət edən qadınlar olur. Odur ki,
kişilər, belə hallara düşmək istəmirsinizsə, sevdiyiniz insanı heç zaman
aldatmayın...