Ağ şam ağacı yağı çox güclü antiseptik, iltihab və virus əleyhinə təsirə malikdir, immun sistemini möhkəmləndirir, dərinin və selikli qişalarının bərpasını sürətləndirir.
Bu vasitə qədim zamanlardan bir çox xəstəliklər zamanı istifadə olunur.
- Ağ şam ağacı yağı adenoidləri kiçiltmək qabiliyyətinə malikdir. Adenoidlərin böyüməsi  uşaqlar arasında çox yayılmış problemdir. Ağ şam ağacı yağının istifadəsi bir çox uşaqlarda adenoidlərin kiçilməsinə kömək edib. Bunun üçün gündə 2-3 dəfə buruna 3-4 damcı yağ damızdırmaq lazımdır. Müalicə adətən uzunmüddətli olur, lakin çox yaxşı effekt verir. İstifadə etdikdən əvvəl mütləq LOR həkimi ilə məsləhətləşmək lazımdır.
- Bu vasitə həmçinin haymorit zamanı da çox yaxşı müalicəvi təsir edir. Haymorit zamanı ağ şam ağacı yağı damcı və inhalyasiya şəklində istifadə olunur. İnhalyasiya üçün enli qaba 1/2 l isti su tokülür və 10 damcı ağ şam ağacı yağı damızdırılır. Xəstə bu suyun buxarından nəfəs almalıdır.
- Bronxit, öskürək, zökəm zamanı ağ şam ağacı yağı ilə inhalyasiyalar çox yaxşı kömək edir - nəfəs yollarına antiseptik təsir edir, mikrobları öldürür, bəlğəmin çıxmasını asanlaşdırır.
- Otit (orta qulaq iltihabı) zamanı qulağa ağ şam ağacı yağında isladılmış pambıq qoyulur və həmçinin qulağın arxasındakı dəriyə şam ağacı yağı çəkilir.
- Ağız boşluğunun selikli qişasında müxtəlif yaralar, stomatit və s. zamanı ağ şam ağacı yağını yeməkdən sonra bu yerlərə çəkin.
- Damaqların iltihabı zamanı gündə 2-3 dəfə ağ şam ağacı yağında pambıq isladılır və damaqlara qoyulur.
- Qripp və soyuqdəymənin ilk simptomlarında buruna 2-3 damcı ağ şam ağacı yağını damızdırın. Bu yerli immuniteti qaldırır.
- Dəridə sıyrıntılar, kiçik yaralar, sızanaqlar zamanı ağ şam ağacının yağından istifadə çox yaxşı effekt verir.