O, dünyaya musiqi notlarından baxır. Söhbət Şotlandiyanın Qlazqo şəhərində yaşayan 10 yaşlı gözdən əlil Ethan Loch-dan gedir.
Ethan Loch anadangəlmə görmə qabiliyyətindən məhrumdur. Çoxları onun belə bir fiziki qüsurla hansısa uğur əldə edə biləcəyinə inanmasa da, o bu fikirləri alt-üst etməyi bacarıb. İndiyə qədər nə not, nə də pianonun dillərini görən 10 yaşlı Ethan bununla belə nota köçürülən əsərləri dəqiqliklə ifa etmək bacarığına malikdir. Lakin Ethan Lochun bacarıqları bununla bitmir. 6 yaşında Ethan "Qış çiçəkləri” adlı ilk musiqisini bəstələyib.
İndi Ethan Lochun bir arzusu var. Mükəmməl musiqi təhsili almaq və tamaçılar qarşısında möhtəşəm konsert proqramı ilə çıxış etmək.