Peyğəmbərin ən dəyərli tövsiyələri

Müəllif: Wiyinka
Şərhlər: 5
Baxılıb: 5618
Səs ver:
(səs: 9)
Həzrət Mühəmməd Peyğəmbərin (s) öz sadiq səhabəsi Əbuzər Gifari ilə bu söhbəti bir çox dini mənbələrdə, o cümlədən, Təbrisinin "Məkarimül-əxlaq” kitabında qeyd edilib. Gözəl əxlaqi məqamlarla zəngin olan bu söhbəti ixtisarla diqqətinizə təqdim edirik:

Əbuzər soruşdu: "Ey Allahın elçisi! Hansı əməl Allah yanında daha bəyəniləndir?” Peyğəmbər cavab verdi: "Allaha iman bəsləmək, daha sonra Onun yolunda cihad etmək”.

Əbuzər: "İmanı ən kamil olan mömin hansıdır?” Peyğəmbər: "Əxlaqı ən yaxşı olan mömin”.

Əbuzər: "Möminlərin ən üstünü hansıdır?” Peyğəmbər: "O mömin ki, müsəlmanlar onun dilindən və əlindən amandadırlar (yəni ətrafındakı insanlara dili və əli ilə ziyan yetirmir)”.

Əbuzər: "Ən üstün hicrət hansıdır?” Peyğəmbər: "Pisliklərdən edilən hicrət (yəni pis əməllərdən və niyyətlərdən kənar olmaq)”.

Əbuzər: "Gecələrin ən yaxşısı hansıdır?” Peyğəmbər: "Bu gecənin qalanı”. (Yəni bu gecə xeyir əməllər və ibadətlər etmək, savab qazanmaq üçün bir fürsətdir. Sabah belə bir fürsətin mümkün olacağına zəmanət yoxdur).

Əbuzər soruşdu: "Namazların ən yaxşısı hansıdır?” Peyğəmbər cavab verdi: "Ən uzun qünutla qılınan namaz”.

Əbuzər: "Ən üstün oruc hansıdır?” Peyğəmbər: "Sənə fərz (vacib) olan oruc; çünki Allahın buna görə verəcəyi savab da çoxdur”.

Əbuzər: "Sədəqələrin ən yaxşısı hansıdır?” Peyğəmbər: "İmkanları az olan bir adamın gizlində fəqirə verdiyi sədəqə”.

Əbuzər: "Zəkatların ən üstünü hansıdır?” Peyğəmbər: "Ən qiymətli və üstün sayılan maldan verilən zəkat”.

Əbuzər: "Allahın Sənə nazil etdiyi ayələrin ən üstünü hansıdır?” Peyğəmbər: "Ayətül-kürsi”.

Əbuzər xahiş etdi: "Ey Allahın elçisi! Mənə nəsihət ver”. Peyğəmbər buyurdu: "Sənə Allaha münasibətdə təqvalı olmağı tövsiyə edirəm, çünki təqva bütün əməllərin başıdır”.

Daha sonra Peyğəmbər Əbuzərə daha bir neçə məsləhət verdi. Hər dəfə Əbuzər: "Ey Allahın elçisi, buyurduqlarına yenə əlavə et” deyə xahiş edir və o həzrət yeni-yeni məsələlərə toxunurdu. Peyğəmbər buyurdu: "Sənə Quran oxumağı və Allahı zikr etməyi tövsiyə edirəm. Çünki Quran tilavəti səndən ötrü səmada zikrə, yerdə isə nura çevrilər. (Səmada zikr deyərkən, mələklər arasında adının xeyirə çəkilməsi nəzərdə tutulur). Sənə cihadı tövsiyə edirəm; bunun mənası ümmətimin zahidliyidir. Sənə xeyir danışmaqdan savayı bütün hallarda susmağı məsləhət görürəm; bu xasiyyət şeytanı səndən uzaqlaşdırar və dini məsələlərdə sənə yardımçı olar. Sənə çox gülməməyi tövsiyə edirəm. Çox gülmək qəlbi öldürər, üzün nurunu aparar. Özündən aşağıdakalara bax, özündən yuxarıda olanlara baxma. Belə etsən, Allahın nemətlərini kiçik saymazsan (nankorluq etməzsən). Qohumlar səninlə rabitəni kəssələr belə, sən onlarla mehriban ol. Miskinləri sev, onlarla oturub-dur. Acı da olsa, həmişə haqqı de. Allah yolunda xalqın məzəmmətindən qorxma. Öz eyblərini xatırla ki, başqalarında eyb axtarmaqdan əl çəkəsən”.
(səs: 9)
Şərhlər: 5
Baxılıb: 5618
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Şərh sayı: 9443
Xəbər sayı: 2
lili)
ALLAH razi olsun
30 yanvar 2014 22:44
5
Şərh sayı: 72548
Xəbər sayı: 1
vipbetul
cox gozel tovsiyeler nesihetlerdir,cox saq olun
30 yanvar 2014 17:59
4
Of,If I stretch my hands,do you hold them in your hands,Sir?
Oh, do you look at my tearful eyes even once?
Şərh sayı: 8722
Xəbər sayı: 208
Narminovski
Təşəkkür canim...
30 yanvar 2014 17:53
3
Şərh sayı: 80933
Xəbər sayı: 30
BARBI
cox gozel tovsiyelerdi eger emel etsek daha da yaxsi olar.
30 yanvar 2014 17:01
2
Canımı yaktıktan sonra, hiç birşey olmamış gibi helallik isteyenler! Cehennemde yandığınızı görsem üzerinize benzin dökerim... !
Şərh sayı: 6181
Xəbər sayı: 117
Zeynuş
tesekkurler
30 yanvar 2014 16:29
1
Agaca dayanma çürür,insana güvenme ölür.Aç ellerini Rabbine seni bir tek O görür.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Ən çox oxunanlar

Qadın testləri