İnsanın əziyyətlə və ya rahat ölməsi onun birmənalı olaraq mömin və ya kafir olmasına dəlalət edə bilməz. Mömin şəxs də əziyyətlə dünyasını dəyişə bilər, bu da Allahın rəhmətindən irəli gəlir. Allah bu şəxsə əziyyətli ölüm verməklə onun bu dünyada qalan günahlarını təmizləyir ki, o dünyada rahat olsun. Kafir və ya ilahi qanunlardan boyun qaçıran şəxslər də olar ki, çox rahat dünyalarını dəyişərlər. Bu isə Allahın ədalətindəndir, Allah bu cür şəxslərin bu dünyada etdikləri yaxşılıqların əvəzini müxtəlif rəhmət yolları ilə çıxır, məsələn, işi yaxşı gedir, övladları saglam olur, müxtəlif qəza hallarından qorunur və s. Ən son halda isə ölüm anında da ona rahat ölüm bəxş edər ki, o dünyaya yaxşılıqları qalmasın.