Ağılca ən mükəmməliniz, Allahdan ən çox qorxanınızdır.
Qəlblərinizi az gülmək və az yeməklə əhya edin, aclıqla təmizləyin ki yumşaq və parlasın.
Çox gülməyin, çünki çox gülmək ürəyi öldürər.
Qiyamət günü Cənnətə ilk çağırılacaq, varlıqda da darlıqda da Allaha çox həmd edənlərdir.
Qiyamət günündə ilk hesablaşacaq kəslər, qonşulardır.
Qiyamət günündə Adəmoğlu, bu beş şeylərdən sorğuya çəkilmədikcə yerindən ayrılmaz:
Ömrünü harada və nə surətlə xərclədiyindən,
Etdiyi işləri nə məqsədlə etdiyindən,
Malını haradan qazandığından və haralara sərf etdiyindən,
Bədənini, səhhətini harada və nə surətlə köhnəltdiyindən.
Bütün insanlar günah işlər, lakin günah işləyənlərin ən xeyirlisi, tövbə edənlərdir.
Müsəlmanların dərdini dərd etməyən onlardan deyil.
Adam haqsız olaraq bir şeyə lənət etsə, o lənət özünə dönər.
Dünyanın bəla və fitnədən başqa heç bir şeyi qalmadı.
Qurban kəsin. Onunla nəfsi təmizləyin. Bir kimsə, günündə qurbanını alır, qibləyə yatırırsa, onun buynuzu, əksinə, qanı, tükü və hər zərrəsi Qiyamət Günü o kimsə üçün hazır olar. Yerə düşən qan, Alahın mühafizəsinə düşmüş olar. Az sərf edin, çox mükafat alın.
Sənə hər nə yaxşılıq üz versə Allahdandır. Sənə hər nə pislik gəlirsə, o da öz qüsurun səbəbiylədir.
Heç bir fərz namazı qəsdən tərk etmə. Kim namazı qəsdən tərk etsə, ilahi qoruma və təminatdann məhrum qalar.
Kim, insanların ürəyini çəkmək üçün kəlamın istifadəsini öyrənsə, Allah Qiyamət günü, ondan nə fərz nə nafilə heç bir ibadətini qəbul etməz!
Dostunu zaman zaman ziyarət et ki sevgin artsın.
Nemətləriylə sizi bəslədiyi üçün Allahı sevin. Məni də Allah sevgisi üçün sevin. Əhli-beytimdən də mənim sevgim üçün sevin.
Fitnədən qaçının! Çünki o əsnada dil, (təsir baxımından) qılınc zərbəsi kimidir.
Ədəbsizlik və çirkin söz girdiyi şeyi çirkinleğəşdirir. Həya isə girdiyin şeyi gözəlləşdirər.
Kim hər gün fərzlər xaricində on iki rükət (nafilə) qılarsa Allah onun üçün cənnətdə mütləq bir ev inşa edər.
Sən bir camaata ağıllarının etməyəcəyi bir şey söyləsən mütləq bu, bir qisiminə fitnə olar.
Şeir vardır ki, hikmətdir. Bəyan vardır ki, sehrdir.
Qulun dili doğru olmadıqca ürəyi doğru olmaz. Ürəyi doğru olmadıqca da imanı doğru olmaz.
Cəhənnəmi əhatə edən surun dörd (ayrı) divarı vardır. Hər divarın qalınlığı qırx illik getmə məsafəsi qədərdir.
Dua rəhmətin, dəstəmaz namazın, namaz Cənnətin açarıdır.
Möminin niyyəti, əməlindən xeyirlidir.
Ümmətimdən bir qrup insan Quranı şübhəsiz surətdə oxuyacaq. Ancaq bunlar, oxun ovu sürətlə deşib keçdiyi kimi dindən çıxacaqlar.