BURUN PLASTIKASI NƏDİR?
Burun plastikası (renoplastika) -burunun xarici görünüşünün dəyişilməsi əməliyyatıdır.Bu zaman əməliyyatdan öncə xəstənin üz quruluşu dəyərləndirilir,öz istəyi nəzərə alınmaqla burun forması seçilir.Lakin xəstənin istəyinə görə üzünə uyğun olmayan forma icra edilmir.Əməliyyat 1-2.5 saat arası davam edir.

YAŞ MƏDUDİYYƏTİ
16-18 yaşdan sonra (əgər zəruri hal yoxdursa-buna müxtəlif növ zədələnmələr və s.) burun sümüklərinin inkişafı tədricən tamamlanır. 18 yaşdan sonra həmçinin xəstə öz qərarlarında daha inamlı olur.

XƏSTƏNİN ƏMƏLİYYATDAN SONRA HANSI MÜDDƏTTƏ ƏMƏK QABİLİYYƏTİ BƏRPA OLUR?
Müasir plastik cərrahiyyədə ehtiyac olmadığı təqdirdə burnun içinə tampon qyulmur.Lazım gəldikdə 1-2gün qalmaqla qoyula bilər.Əməliyyatın ağırlıq dərəcəsindən asılı olaraq göz ətrafında olan göyərmələr əsasən 2-ci həftədə yox olur.Burunda olan şişkinlik isə tədricən azalır.Bəzi xəstələrdə bu hal aylarla davam edə bilər.İçki və siqaret kimi vərdişlər bu prosese mənfi təsir göstərdiyindən həkim tərəfindən qadağan edilir və ya kəskin azaltmaq məsləhət görülür.Əməliyyatdan sonra üzdə heç bir çapıq izi qalmır.Xəstə əməliyyatdan sonra 1 gün stasionarda saxlanılır (1neçə saat sonra eve yazila bilər) səhəri gün evə yazılır.Gips adətən 4-10 gün arası saxlanılır.Əməliyyat sonrası xəstəyə qaçmaq,üzmək,önə əyilmək kimi qan təzyiqini artıran fiziki hərəkətlər bir neçə aylıq məhdudlaşdırlır.

XƏSTƏNİN ƏMƏK QABİLİYYƏTİ MAKSİMUM 1HƏFTƏYƏ NORMALA DÖNÜR.
Lakin bu xəstənin özünü necə hiss etməsindən asılı olaraq dəyişilə bilər. Əməliyyatın ilin hansı fəslində olmasının heç bir fərqi yoxdur.Lakin yayda göyərmiş yerlərin günəşdən,qışda şaxtadan qorunması şərtdir.3 ay günəş şüasından üzü qorumalı.Üzdəki şişlər 7-10 günə,burundakı şişlər 6-10 həftəyə çəkilir.Burnun formasını alması 6aydan 1ilə və dahada çox çəkə bilər.Gips çıxarıldıqdan sonra gecə yatarkən gipsden istifadə etməli,ağır eynəklər taxmamamlı,masajlar müntəzəm ardıcıl olunmalıdır.Linza taxmaq isə əməliyyatın 3-4cü günü sərbəstdir....

ƏMƏLİYYATA TƏSİR EDƏN BƏZİ FAKTORLAR:
Daha öncə burunda keçirilmiş əməliyyatlar;
Burun dərisinin qalın yada çox incə olması;
Xəstənin yaralarının çətin sağalmağa meyilli olması;
Əməliyyatdan sonra xəstənin həkimin təlimatlarına ciddi əməl etməməsi!