Dırnaqlarınızı boyayarkən çətinlik çəkirsinizsə, bu məsləhətlərdən yararlanaraq müsbət nəticə əldə edə bilərsiniz
İlk olaraq dırnaq boyasının rəngini seçməliyik. Bu zaman dırnaqların quruluşunu da nəzərə almalıyıq. Qısa və bucaqlı dırnaqlar üçün tünd rənglər uyğun hesab edilir. Uzun və yumru dırnaqlar üçün isə açıq və nəzərə çarpan boyalar məsləhət görülür.
Dırnaq boyası seçməzdən öncə əlləri sabunla yuyaraq qurulamalıyıq. Daha sonra asitonla dırnaqlardakı qaraltıları və ötən dəfədən qalan boyaları silin. Qoruyucudan istifadə edərək boyanın uzun müddət qalmasına nail ola bilərsiniz. Qoruyucunu dırnaq uclarına sürtməyi isə unutmayın. Mütəxxəssislər qoruyucu boyadan dərhal sonra rəngli boyanı çəkməyi tövsiyə etmir. Bu müddət bir günədək uzadıla bilər. Şəffaf dırnaq lakından istifadə edərək rəngli boyanın ətrafa yayılmasının qarşısını asanlıqla ala bilərsiz.
Rəngli boyanı dırnağın tən ortasından çəkməyə başlayın. Boyanı üç qat çəkməyiniz tövsiyə edilir. İki dəqiqə fasiləylə növbəti qatları çəkə bilərsiniz. Cəlbedici görünüş almaq üçün sonda parlaqlıq verən boyadan istifadə edin.