Uşağınıza qiymətlərini yaxşılaşdırmağa necə kömək edə bilərsiniz?

Müəllif: Sweet Candy
Şərhlər: 6
Baxılıb: 289
Səs ver:
(səs: 0)
Ola bilsin, övladınız dərslərinə ciddi yanaşmır və ev tapşırıqlarını etmir. Buna görə də uşaq qeyri-nümunəvi olur və qiymətləri aşağı düşür. Uşağınıza qiymətlərini düzəltməyə necə kömək edə bilərsiniz?

Nəyi bilməlisiniz?

Təzyiq göstərmək problemi artırır. Uşağınıza təzyiq göstərməyiniz onun məktəbdə və evdə stress keçirməyinə səbəb ola bilər. Və bu stressdən qaçmaq üçün o, yalan danışa, aşağı qiymətlərini gizlədə, gündəliyində valideyn imzası yerinə özü qol çəkə və ya dərsdən qaça bilər. Nəticədə, vəziyyət daha da pisləşəcək.

Mükafatlandırmaq əks nəticə verə bilər. Andrey adlı ata deyir: «Qızımızı həvəsləndirmək üçün çalışırdıq, yaxşı qiymətlər alanda onu mükafatlandıraq, amma sonra gördük ki, onun fikri-zikri yalnız mükafatda qalır. Pis qiymət alanda isə qiymətdən çox mükafat ala bilməyəcəyinə görə məyus olur».

Müəllimləri günahlandırmağın uşağa xeyri yoxdur. Bu zaman uşağınız düşünə bilər ki, yaxşı oxumaq üçün çox çalışmağa dəyməz. Üstəlik, o, səhvlərinə görə başqalarını günahlandıran və problemlərini başqalarının həll etməsini gözləyən bir insan kimi böyüyəcək. Bir sözlə, övladınız həyatı boyu ona lazım olacaq vacib bir keyfiyyətə — hərəkətlərinə görə məsuliyyət daşımaq bacarığına yiyələnə bilməyəcək.

Nə edə bilərsiniz?
Hisslərinizi nəzarət altında saxlayın. Əgər hirslisinizsə, onda uşağınızın aldığı qiymətlərlə bağlı söhbəti sonraya saxlayın. «Həyat yoldaşım və mən söhbəti sakit və anlayışlı olduğumuz vaxta saxlayanda daha yaxşı nəticə əldə edirik», — deyə Bret adlı ata bölüşür.

Müqəddəs Kitab prinsipi: «Eşitməyə hazır [olun], danışmağa və hirslənməyə [tələsməyin]» (Yaqub 1:19).

Əsl problemi müəyyən edin. Adətən, uşağın pis qiymət almasına kobud rəftara məruz qalması, məktəbini dəyişməsi, imtahan qabağı gərginlik yaşaması, ailədəki problemlər, yuxusuzluq, qrafikinin olmaması, eləcə də diqqətini bir şeyə cəmləyə bilməməsi səbəb ola bilər. O dəqiqə uşağınızın tənbəl olduğunu düşünməyin.

Müqəddəs Kitab prinsipi: «Məsələyə anlayışla yanaşan uğur tapar» (Məsəllər 16:20).

Dərs oxuması üçün münasib şərait yaradın. Uşağınızın ev tapşırıqlarını etməsi üçün cədvəl qurun. Dərslərini oxuması üçün diqqəti yayındıran şeylərin (məsələn, televizor və mobil telefon) olmadığı bir yer təşkil edin. Uşağınızın yorulmaması üçün ev tapşırıqlarını düzgün şəkildə bölün. Almaniyadan olan Hektor adlı ata deyir: «İmtahan vaxtı yaxınlaşanda biz hər gün dərsləri az-az təkrarlayırıq, oturub axırıncı saniyəni gözləmirik».

Müqəddəs Kitab prinsipi: «Hər şeyin öz vaxtı var» (Vaiz 3:1).

Oxumağa həvəs oyadın. Uşağınız məktəbin indi ona hansı faydası olduğunu başa düşsə, oxumağa bir o qədər həvəsli olacaq. Məsələn, riyaziyyatı bilmək ona cib xərcinin büdcəsini təşkil etməyə kömək edə bilər.

Müqəddəs Kitab prinsipi: «Hikmət qazan, dərrakə qazan... Hikməti uca tut» (Məsəllər 4:5, 8).

Ana oğluna ev tapşırığını etməyə kömək edir
Məsləhət. Uşağınıza ev tapşırıqlarını etməyə kömək edin, amma bunu onun əvəzinə etməyin. Andrey deyir: «Qızımız bizim ağlımıza arxalanır və beynini işləmək istəmir». Uşağınıza ev tapşırıqlarını özünün necə edə biləcəyini öyrədin.

«Uşaqlarımdan biri pis qiymət alanda sakitliyimi qorumağa çalışıram. Ondan bunun səbəbini və gələn dəfə daha yaxşı qiymət almaq üçün nə edə biləcəyini soruşuram. Həmçinin çalışıram unutmayım ki, özüm də hərdən dərslərimdən yaxşı qiymət almırdım» (Milisent).

«Uşağımız məktəbə gedən gündən çalışmışıq ki, onun dərsləri, məktəb həyatı ilə maraqlanaq. Bəzi valideynlər yalnız gündəlikdəki pis qiyməti görəndən sonra “ayılırlar”. Sonradan vəziyyəti düzəltmək üçün daha çox çalışmaq lazım olur» (Edvin).

(səs: 0)
Şərhlər: 6
Baxılıb: 289
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Offline
GAMZELİ
Bilikli uşaq harda olsa oxuyar
Təhsil ən çox qızlara lazımdı
28 aprel 2019 00:25
6
...
Offline
vipbetul
valideyinler ucun yaxsi melumatdir
23 aprel 2019 10:23
5
Of,If I stretch my hands,do you hold them in your hands,Sir?
Oh, do you look at my tearful eyes even once?
Online
Love Angel
Əgər uşağın həvəsi varsa, harda olsa oxuyur. Həvəssiz yanaşdıqdan sonra valideyn nə etsə də uşaq oxumayacaq.
21 aprel 2019 20:38
4
-"Bitti" dediğin anda yeniden başlarmış insan. Başka yerde, başka şekilde, başka hayatlarla. Mutsuz, tedirgin, ama "Yeniden" Ve bitti dediğinde durduğunu zannetdiğin her şey, yeniden yepyeni güzellikler için çarpmaya devam edermiş. Yani nefes alıyorsa insan, "Umut" var demekmiş.
Offline
YalniZ-ArZu
Şükür dörd ildə hələ pis qiyməti olmayib. Son vaxtlar həm sınaqlarda yer tutur, summativləri də 100 balla verir şükürlər olsun. Oxusun deyə çox üstündə dururam mən. Oğlan uşağıdı, bir az boş buraxsam ağlı ancaq noutbukun ve oynadığı iqraların yanında qalar.
birdə uşaq əgər oxumursa ondan ötrü zəhmət çəkib bir ətək pul tökməyə dəyməz. Key uşaq elə key də qalır, fərq etmir neçə kursa da getsə, bahali mekteblerde de oxusa. Elə uşaqları çalışıb hansısa sənətə yönəltmək lazımdı ki, gələcəkdə təhsillə də olmasa, peşəsiylə çulunu sudan çıxarda bilsin.
21 aprel 2019 20:01
3
Gözümüz bağlı güvəndiyimiz insanlar, yaxşı niyyətimizin içinə zibili yığanda, bizə də hər münasibətə üz verməyib, hər mundarın sözünə aldanmamaq qalar. 08
Offline
BakılıQız
Usaga ipucu vermek lazim. Numune gostermek lazim. Ozu hell eder o zaman. Cox valideyn ozu usagi tenbel oyredir
21 aprel 2019 19:59
2
Гулмек бир вирусдур, гулумсейин 30
Offline
diablo
Valideynlər üçün lazımlı xəbərdi
21 aprel 2019 16:04
1
Nece izah ede bilmeyeceyim ucun susdugum seyler var

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Saytın hansı bölməsini xoşlayırsınız?

Qadınla.Com həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 

Qadın testləri