Körpəlik dövründə anasına bağlı olan uşaq 4-5 yaşında fərd olmağı kəşf edir və bu dövrdə ananın davranışlarının da dəyişməsi qaçılmazdır. Bu dövrdə də münasibətin yaxşı davam etməsi üçün analar nələr etməlidir?
Gözünü ilk açdığında sizi görən və sizə güvənən uşağnızın suallarını səbrlə dinləyin və cavabsız qoymayın.
Hörməti qarşılıqlı edin. Uşağınızın otağına girərkən otağın qapısını döyməniz ondan da eyni şeyi tələb etmənizə haqq qazandırır. Uşağınız kiçik olsa belə, onun da özəl həyatına hörmətlə yanaşın.
Yumşaq, ancaq qərarlı bir ana olun. Uşağınıza "yox” dediyinizdə ağlayırsa, sakit, yumşaq, ancaq qərarlı bir şəkildə açıqlama verin.
Uşağınızı 9 ay siz bətninizdə gəzdirdiniz , onu siz dünyaya gətirdiniz, uşaq-ata münasibətini yoluna qoymaq və uşağın "ata” anlayışının nə olduğunu qavramasına kömək etməkdə ən böyük məsuliyyət də ananın öhdəsinə düşür.
Ana-köpə münasibətinə zərər verəcək başlıca amil xoşbəxt olmayan evlilik və uşağın istənmədiyi halda dünyaya gəlməsidir. Müdafiəsiz halda dünyaya gələn uşaq anası tərəfindən qəbul edilsə də, atanın pis davranışları ana-körpə münasibətinə mənfi təsir edəcək.