- Bəs sağalmayan yaralar?
- Sağalmayan? Sən nəyi nəzərdə tutursan?
Castin başını tərpətmədən sağa sola gəzdirdiyi gözlərini nəhayət sağ tərəfdə saxlayaraq "çapıq izi?" dedi üzünü turşudaraq
- Bunun üçün, əyri ayaqlarını çöldə qoyan katibələrinin xatırlatması ilə əməliyyata girib işi həll edən şəhər həkimləriniz var.
Castin dodaqucu güldü.
- Yaxşı bəs digər yaralar? Birini itirmək? Vicdan əzabı ?
- Bunların dərmanı öz əlindədir - Nənə dayandı, üzünü Castinə tərəf döndərib baş barmağını onun gicgahı üzərinə gətirdi - bax burada!
- Necə yəni?
- Əgər ölüm səni sevdiyin birindən ayıra biləcək qədər güclüdürsə bu sənin sevginin zəifliyindən irəli gəlir. Bu dünyadaki heçnə səni dəyər verdiyin bir şeydən ayıra bilməz, hətta ölüm belə..
- A..axı
- Tanrının bizə bəxş etdiyi sonsuzluq görə bildiyimiz hər yerdədir..Ən böyük sonsuzluq isə - nənə bayaqki hərəkətini təkrarlayaraq Castinin gicgahına toxundu - buradadır.. Sonsuz fikirlər, növbənöv hisslər, sevgi, nifrət, ağıl, oxuduğun kitablar, izlədiyin fikmlər, xəyal gücü, ölüm, yaşam, hər şey.. və ən önəmlisi.. ( xanım Ameliya barmağını irəli uzadaraq nəyisə işarə edirmiş kimi tutaraq) Xatirələr.. bu elə bir sehirdir ki, o, ölünü dirildə, dirini isə öldürə bilir..
- Amma bəzi şeylər var ki, geri dönüşü imka..
- Şşş.. ( Xanım Ameliya barmağını dodaqlarına tutdu)
Castin nə olduğunu anlamaq ümidi ilə ətrafa baxındı.
- Eşidirsən? Sirrsiz quşu oxuyur.. Bu deməkdir ki, doğru yoldayıq, bir neçə saniyə sonra Lanna çiçəyi açacaq. Odur bax! Ağacın kölgəliyində! Tələs, bir ovuc yığmalıyıq!
...
- Hə! İndi bunları nə edəcəyik?
xanım Ameliya bir neçə saniyə düşündü
- Saat neçədir?
- 03:58
- Gün doğmazdan əvvəl evə çatmağımız imkansızdır, burada düzəldəcəyik! Ətrafa diqqətlə bax, kiçik bir ocaq qalamaq lazımdır!
- Bu dəqiqə mən həll edərəm! Bəs.. nə ilə yandıracağıq?
- Sən orasını düşünmə. Mən səni bir az irəlidəki açıq düzənlikdə gözləyirəm tələs.

Müəllif: Məsudə Cabbar