Gündəlik həyatımızda informasiya əldə etmək üçün internetdən istifadə edirik. Ancaq elə məlumatlar var ki, onları əldə etmək üçün kitablara üz tuturuq. Həyatı kitabsız təsəvvür etmək mümkün deyil. Hamımız yaxşı bildirik ki, elektron kitablar, həqiqi kitabların yerini verə bilmir.
Bu kitabxanalar insanların kitab oxumaları üçün hələ də onları təmin edirlər.
Qadinla.com xəbər verir ki, “Little Free Library” adında bir təşkilat da onlardan biridir. Məqsədləri gələcək nəslin kitaba olan marağını artırmaqdır. Bu məqsədlə dünyanın 88 ölkəsində 75 min fərqli kitabxana açıblar.
Təşkilatçıların bu işindən ilhamlanan Şarale Armitak Hovard adlı kitabxanaçı evinin önündə yerləşən 110 illik ağacı kitabxanaya çevirib. Ağacın tam 110 yaşı var və ətrafdakı evlərə zərər verməsin deyə onun başından kəsiblər.
Horvard bildirib ki, ağacları qorumaq hər birimizin borcudur, amma elə vaxtlar olur ki, bu cür yaşlı ağacılar ətrafa zərər vurmağa başlayır və onda kəsilmək məcburiyyətində qalırlar. Belə olan təqdirdə kəsilən ağacdan yaxşı bir iş üçün istifadə etmək təqdirəlayiq hesab olunmalıdır.