O, "İnTouch" jurnalına verdiyi müsahibəsində bildirib ki, 8 körpəsindən savayı 6 uşağına nifrət edir.
"Onlar əsl heyvanlardır və bu adamları mən dünyaya gətirsəm də, onlara nifrət edirəm. 6 uşağım vəhşidirlər, heç bir tərbiyələri yoxdur və məni bezdirirlər", - Nadya Süleyman söyləyib.
Nyu-Yorkda Hovard Sternin verilişinə qatılan 14 uşaq anasının dediyinə görə, dəfələrə vanna otağına girərək ağlayıb.
"Bəzən orada saatlarla otururam, hətta naharımı da unitazda oturaraq yeyirəm. Sakit ailə, sakit həyat istəyirəm. Bu altı uşaqla isə yaşamaq mümkün deyil. Onların öhdəsindən gələ bilmirəm. Dəfələrlə intihar barədə düşünmüşəm", - Nadya Süleyman söyləyib.
Kaliforniya ştatının La Hambra şəhərində yaşayan Süleymanın sözlərinə görə, övladlarını sevir, amma onları doğmasına peşmandır.
"Böyük ailə ilə bağlı arzum indi ən böyük dəhşətimə dönüb. Bank hesabımda cəmi 300 dollar pul var və həmin məbləğ ipoteka kreditini, uşaqların yemək, məktəb xərclərini ödəməyə çatmır", - söyləyən 14 uşaq anası işsizdir və dövlət yardım proqramı çərçivəsində aldığı müavinət hesabına yaşayır.