Qətər. Həmin kişi «Skype» vasitəsilə həyat yoldaşı ilə söhbət zamanı təsadüfən ondan boşanıb. Belə ki, o, arvadına ard-arda 3 dəfə «talaq» (mən səni boşayıram) yazıb. İslam qanunlarına görə, kişi qadınına 3 dəfə bu kəlməni deyirsə, onların nikahı pozulmuş sayılır. Yenidən nikaha girmək üçünsə qadının başqa kişiyə ərə getməsi, sonra ondan boşanması və yenidən əvvəlki ərilə nikaha daxil olması lazımdır. «Mən islamı yaxşı bilmirəm. Zarafatın belə acı reallığa çevriləcəyini düşünmürdüm. Biz bir-birimizi sevirik və hansısa çıxış yolu tapacağımıza çox ümid edirik», - deyə ər bildirib.