Oyuncağı sınmış uşaq kimiyəm
Yuxumda bu gecə səni görmüşəm
Necə xoşbəxt idim necə şən idim
Görüşünə vaxtından tez gəlmişəm
Dünyanın ən bəxtəvəri mən idim
Sevincim az çəkdi artıq oyandım
Kaş ki ayılmazdım yatıb qalardım
Qürur qoymur yoxsa gəlib yanına
Boynuna sarılıb qucaqlayardım
Darıxmışam,nə vaxtdı ki görmürəm
Əvvəl əvvəl gizli yığıb susardın
Xoş günümdə sevincimin ortağı
Dar günümdə dərdimə tən olardın
Sənsiz marağsızdı həyat anlamı
Oyuncağı sınmış uşaq kimiyəm
Yaşamağım aldatmasın kimsəni
Yaşamıram nə olsun ki diriyəm

Müəllif: Muxtarov Araz