Ürəyim kövrəlib qəmim daşanda,
Bil mənsiz qalacaq sənə ağladım.
O uzaq uünvana yolu çaşanda,
Bil mənsiz qalacaq sənə ağladım.

Qəlbinə taqətin dözüm olmuşdum,
Gecələr yuxu tək özün olmuşdum.
Mən sənin ümüdlü sözün olmuşdum,
Bil mənsiz qalacaq sənə ağladım.

De hansıyuxuda taparsan məni,
Oyaq gecələrin sırdaşı qəmi.
Qəhərin gözümdə gizlədib nəmi,
Bil mənsiz qalacaq sənə ağladım.

Gözündə sevinci getirən hanı?!
Qəlbin axtaracaq o kölə canı.
Nə deyim itirdin əziz insanı,
Bil mənsiz qalacaq sənə ağladım.

Ömürdən aralı günün qəlbində,
Əridin hər anında hər bir dəmində.
Qayğını çəkən yox daha sənin də,
Bil mənsiz qalacaq sənə ağladım.