Adını qəlbimdən silərdim gərək

Müəllif: MALIS
Şərhlər:
Baxılıb: 1079
Paylaş:
Səs ver:
(səs: 2)
Əsdi ayrılığın soyuq yelləri,
Soldu bağçamızın əlvan gülləri,
Sənlə keçirdiyim uzun illəri,
Özgə birisiylə bölərdim gərək.
Adını qəlbimdən silərdim gərək.

Üşüyürəm, tir-tir əsir bədənim,
Mən necə danışım, mən necə dinim?
Sən qəfil gəlmişdin ömrümə mənim,
Qəfil gedəcəksən bilərdim gərək,
Adını qəlbimdən silərdim gərək.

Sənsiz ötüb keçdi ömrümdən bu il,
Nə qədər olar bu, hərgün öl, diril,
Axan göz yaşımı yerlərə deyil,
Yanan ürəyimə çilərdim gərək,
Adını qəlbimdən silərdim gərək.

Sevgi dəryasında endim dərinə,
Könlümü vermişəm nadan birinə,
Tanrıdan bu qədər sevgi yerinə,
Bir azca sədaqət dilərdim gərək,
Adını qəlbimdən silərdim gərək.

De, hansı dərdimi söyləsin bu dil,
İlahi, bu eşqi sətir-sətir sil,
Sənin ürəyini sevgimlə deyil,
Kövrək buludlarla bələrdim gərək,
Adını qəlbimdən silərdim gərək.

Bilməzdim bu dünya bu qədər darmış,
İnsanı dik tutan namusmuş, armış,
Ay Xəlil, gör nələr qismətdə varmış,
Bunu görməkdənsə ölərdin gərək,
Adını qəlbimdən silərdim gərək...
 
Müəllif: Xəlil Adıgözəl

loading...
(səs: 2)
Şərhlər:
Baxılıb: 1079
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 

Qadın testləri

Aylıq arxiv