İnandı

Qeydiyyat Şifrənin bərpası

Qadınla.Com

Tarix: 3-06-2014, 08:30

Müəllif: tek umidim sen

Şərhlər: 5

Baxılıb: 2 082

Bölmə: Həyat tərzi / Şeirlər

Səs ver:

(səs: 2)

Taleyi hər kəsə güləndi bir gün ,
Solumda inandı, sağ da inandı.
Qismətdir dedilər, düşdüsə xəzan,
Bağban da inandı, bağ da inandı.

Ədəbdən, ərkandan söz açdı nadan
Dərgahın qapısın bağlatdı yalan
Elə zirvələri fəth etdi güman
Duman da inandı, dağ da inandı.

Şəhvətə uyanı aşiq bildilər,
Yad sözlə dinəni natiq bildilər,
Ağ rəngi, kəfənə layiq bildilər,
Qara da inandı, ağ da inandı.

Tikandan gül çəkdi, zəhərdən şəkər,
Tüstüsü göylərdə, yerdə köz Səfər,
Ürəkdən vursalar bitəcək qəhər,
Kamanda inandı, ox da inandı.