Mən onu sevməklə yol verdim səfə,
Salıbdı saçıma ayrılıq dəni..
Çıxmayır yadımdan, gündə min dəfə,
O, qızın həsrəti öldürür məni..

Gündüzlər düşünüb yada salıram,
O, gəlir yuxuma gecə radəsi..
Dərdlərin əlindən sərxoş oluram,
Dolur göz yaşımla eşqin badəsi..

Uzanır gecələr açılmır səhər,
Mən yanıb bitirəm onsuz şam kimi..
Ürəyim ağlayır, gözümdə qəhər,
Boğuram yaşımla mən öz qəlbimi..