Nə üçün sevdirdin mənə özünü?
Nə üçün ömrümü çevirdin heçə?
Xoş günüm,pis günüm səninlə keçib,
Səni xatırlayım de indi necə?

Deyimmi vəfasız çıxdı sevgilim?
Deyimmi özgəyə dəyişdi məni?
Ya susum,dinməyim dözüm həsrətə,
Yaşadım vəfasiz adiyla səni.

Bəlkə də zamanla düzələr,keçər,
Qəlbimdən əbədi silərəm səni.
Bəlkə də dəyişməz heçnə,beləcə,
Bir ömür sonadək sevərəm səni.

Özgəsin seçərəm özümə həmdəm,
Ürəyim sızlayar,gözlərim gülər.
Yaşaram mənasız sevgini belə,
Mən səni sevərəm,o məni sevər

Sən vaxtsız buluddan süzülən yağış,
Mən isə solmağa başlayan çiçək.
Belə ayrılıqdan şirindir ölüm,
Tərsinə yazıbmış yazımı fələk.
Qismətdə var imiş ayrılıq demək...