O qədər cavabsız suallarım var

Müəllif: Nermin..
Şərhlər:
Baxılıb: 561
Paylaş:
Səs ver:
(səs: 3)
O qədər cavabsız suallarım var.
Suallar üstünə sual qalanır.
Birini düşünüb tapana yaxın,
O biri sualda, ona calanır.

Suallar içində itib, batıram.
Düşünüm hansını, çözüm hansını?
Məni bu halətə salan kəslərin,
Axtarım hansını, gəzim hansını?

Fikirdən əriyən adam görmüsüz?
Yanıram oduma şam yanan kimi,
Fikirlər başıma dolanır mənim,
Pərvanə şam üstə dolanan kimi.

Suallar zülmətə qərq edib məni.
Zülmətin üstünə yeriyirəm mən.
Nə fayda? mən təkəm suallarsa çox,
Yanıram,yanıram ­, əriyirəm mən.

Mənim bu yanmagım,bu alışmağım,
Ömürlük payındır, əmanətindir.
Bir Allah bilir ki, nələr çəkirəm.
Kaş mənim yanımda olaydın indi.

Sən niyə dəyişdin? mənə yad oldun?
O qədər doğmalıq hanı bəs indi?
Sən məni sevərkən xəyalın mənim,
Varlıgın tamam bir başqa kesindir.

Görəsən bilirmi həyat yoldaşın?
Gözlərin hər gecə yol çəkir sənin.
Görəsən bilirmi yalan məhəbbət,
Bədbəxt gələcəyinə,qol çəkir sənin.

O hardan bilir ki, hər səhər-axşam,
İntizar odunda yanan biri var,
Hər addım səsində qapıya qaçıb,
Sənin gəldiyini sanan biri var.

Gör məni həsrətin nə günə salıb,
Görəndə gözünə inanmırsan heç,
Qorxuram qapına gələm deyəsən,
Yaşından, başından utanmırsan heç?

Mən kömək istədim fikirlər mənim,
Yağarkən başıma bəyaz qar kimi,
Ürəyin yansa da əlin çatmadı,
Uzaqda yaşayan qohumlar kimi...
 
Müəllif : Xəzər Süleymanlı

loading...
(səs: 3)
Şərhlər:
Baxılıb: 561
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 

Qadın testləri

Aylıq arxiv