Qəlbindən gizlicə səssiz gedəcəm
Sənin xatirində qalmayacağam
O ötən vərəqdə söztək itəcəm
Sənin xatirində qalmayacağam

Boylansan gözünə görünmərəm mən
Yollar tək ardında sürünməəm mən
Riqqətlə köksündə döyünmərəm mən
Sənin xatirində qalmayacağam

Həsrəti hər gecə qonaq etmişəm
Sənin aləmində şoxdan bitmişəm
Sən məni axtarma daha getmişəm
Sənin xatirində qalmayacağam

Qaçııb xəyalından günahkar kimi
Kədərə qüssəyə səbəbkar kimi
Bu dəli eşqimə inadkar kimi
Sənin xatirində qalmayacağam