Gözlədim səni həsrətlə hər gün,
Sənsə kibrit tək alışıb söndün,
Sonradan nə oldu əhddən mi döndün?
Mən belə bilsəydim heç ağlamazdım.
Elə bilirdim məni sevirsən,
Məni qəlbinə hakim bilirsən,
Axı nə biləydim ikiüzlüsən
Mən bunu bilsəydim heç ağlamazdım.
Bir zaman həyatda gərəkdim sənə,
Əbədi dost idim, dirəkdim sənə,
Gözümdə bir huri-mələkdin mənə,
Bilsəydim şeytansan heç ağlamazdım.
Vurdun yerlərə təmiz sevgimi,
İncidib, küsdürdün həyatdan məni,
İndi vəfasız sınan qəlbimi,
Düzəldə bilsəydin heç ağlamazdım.
Mən səni bir dəfə heç ağlatmadım,
Səndən incisəmdə sənə yalan satmadım,
Sən məni unutsanda mən unutmadım,
Unuda bilsəydim heç ağlamazdım.
İnandım hər denən şirin sözünə,
Aldandım mən sənin mələk üzünə,
Neyləyim vuruldum qara gözünə,
Əgər sevməsəydim heç ağlamazdım.