Hindistanda böyük səs-küy doğuran, avtobusda qadın zorlama cinayətinin
günahkarlarından biri özünü asıb. Xatırladaq ki, hadisə keçən ilin 16
dekabrında baş vermişdi. 26 yaşlı Coti Qinqh bir qrup kişinin təcavüzünə
məruz qalmışdı. Sevgilisi ilə kinodan qayıdan qadına avtobusda təcavüz
edib, sonra sevgililəri çölə atmışdılar. Qadın sonradan Sinqapurdakı
klinikalardan birində vəfat etmişdi. İttihama əsasən polis altı nəfəri
həbs etmişdi. Yerli telekanal bildirib ki, cinayətin əsas
iştirakçılarından biri Ram həbsxanada özünü asıb.