Böyük Britaniya şahzadəsi Uilyam həyat yoldaşı, Kembric hersoginyası Keyt Midltonla Londonda yeniyetmələrə təhsil sahəsində yardım edən qeyri-kommersiya təşkilatının üzvləri ilə görüşüblər.
Ötən gün 2 il əvvəl geyindiyi yaşıl paltosuyla görüntülənən hersoginya bu dəfə retro üslubda geyinib. Keyt bu dəfə üzərində ağ-qırmızı kvadratlardan ibarət parçadan tikilmiş ətək və pencəyə üstünlük verib.
Daha çox ABŞ-ın keçmiş birinci xanımı Cek Kennedinin stilini xatırladan bu geyim K.Midltonun sevimli brendi "Eponine”dəndir və qiyməti 600 funt-sterlinqdir.