Bu qıpqırmızı bir mürəbbə. Bir qaşıq alırsınız şirin-təzə bir dadı olur, bir az sonra bir acı dad verir. Təəccüblənirsiz bu nədir deyə, sonra o şirinlə acı qarışır. "İki çox sevdiyim şey bir arada"! Deyə, sizi güldürür. İstər səhər yeməyində yeyin istəyirsinizsə, ətin, balığın yanında sous kimi istifadə edin.
Tərkibi: 5 ədəd iri qırmızı bibər 14 ədəd acı qırmızı bibər 2,5 stəkan şəkər tozu 1 stəkan soyuq su 10-12 damcı limon suyu
Hazırlanması: Beş ədəd qırmızı bibəri incə incə 2-3 millilik kublar şəklində doğrayın. 14 ədəd qırmızı acı istiot tumlarını çıxararaq doğrayın. Üstünə iki yarım stəkan şəkəri tökün, bu şəkildə iki saat gözlədin. Daha sonra 1 stəkan soyuq su əlavə edin və qazanı ocağa alın. Əvvəlcə az atəşdə qaynamağa başlasın sonra orta atəşdə arada üstündəki qırmızı köpüyü alaraq təxminən 40 dəqiqə bişirin. Altını söndürüb 8-10 damcı limon sıxın, 10 dəqiqə sonra mürəbbə konsistensiyanı aldığını görəcəksiniz, artıq bankalara yığa bilərsiz. Sous kimi istifadə edəcəksinizsə kiçik bankalarda az az açıb istifadə etməyinizi tövsiyə edirəm.