Tərkibi:
lavaş
toyuğun döş əti
2 yerkökü
3 yumurta
2 çuğundur
1 baş soğan
göyərti (keşniş, yaxud başqa sevdiyiniz göyərti)
mayonez
Hazırlanması:
Toyuğu
bişirin. Soyudub xırda doğrayın (blenderdən də keçirə bilərsiniz).
Yerkökünü yuyub-təmizləyib sürtgəcdən keçirin, xırda doğradığıız soğanla
birlikdə yağda qovurun. Duz, istiot vurun.
Bunu bir qaba yığın.
Çuğunduru yuyub, qabığını soyub sürtgəcdən keçirin, onu da yağda qovurun. Duz, istiot vurun.
Lavaşın
üstünə mayonez çəkin. Toyuq ətini üstünə döşəyin. Azca duz, istiot
səpin. İkinci lavaşı üstünə çəkin. Mayonez çəkib qovrulmuş yerkökünü
döşəyin. Üçüncü lavaşı qoyun, mayonez çəkin, doğranmış göyərtini səpin.
Dördüncü lavaşı qoyun, mayonez çəkin, yumurtanı döşəyin. Duz-istiot
səpin. Lavaş qoyun, mayonez çəkin, qovurduğunuz çuğunduru döşəyin. Sonra
səliqə ilə ruleti bükün.
2 saat soyuducuda saxlayın. Süfrəyə verməzdən əvvəl çəpinə doğrayın.
Ümumiyyətlə,
lavaşın arasına müxtəlif ərzaqları qoyub, rənglərinə görə çeşidləyərək
büksəniz, müxtəlif dadlı və gözəl görünüşlü rulet-salatlar hazırlamış
olarsınız. Məsələn, toyuq əti yerinə krab çöpləri, həmçinin pomidor,
xiyar, göy noxud və qarğıdalı, göbələk konservləri də istifadə edə
bilərsiniz.