Tərkibi (6 pay):
6 ədəd milföy xəmiri (yaxud qat-qat yağlı xəmir)
4 yumurtanın sarısı
150 q şəkər pudrası
200 q qaymaq
2-3 damcı vanil essensiyası
Üzəri üçün
Meyvə, yaxud kakao
Hazırlanması
Milföy xəmirlərini xırda keks qablarının içinə əlinizlə basdıraraq döşəyin. Çəngəllə bir neçə yerdən deşikləyin. 160 dərəcə qızdırılmış sobada qızaranadək bişirin. Bişəndən sonra çıxarıb soyudun.
Əgər həddən artıq şişiblərsə, ilıq olanda bıçaqla artıq hissələrini kəsib çıxarın.
Yumurta sarıları və şəkər pudrasını möhkəm çalın (5 dəqiqə). Sonra mikserin sürətini ən aşağı həddə gətirib qaşıq-qaşıq qaymaq və vanili əlavə edin. Qarışdırdıqdan sonra bişmiş kekslərin içinə doldurun. Üzərini təzə giləmeyvə və ya şokoladla bəzəyə bilərsiniz.