Bu desertin özəlliyi ondadır ki, hazırlanmasında cəmi 3 ərzaqdan istifadə edilir.
Tərkibi:
3 ədəd yumurta
150 qram ağ şokolad
150 qram maskorpone pendiri
Hazırlanması:
Ağ şokoladı dilimləyib şüşə qabda qaynar su ilə dolu qazanın üstünə qoyun. Lakin qabın suya dəyməməsinə diqqət edin. Yumurtaların sarısını və ağını ayırıb ayrı-ayrı qablara tökün. Yumurtanın ağını mikserlə qatılaşana qədər çalın. Ağ şokolada pendir əlavə edib qaşıqla qarışdırın. Üzərinə yumurta sarısını, sonra ağını əlavə edib asta-asta qarışdırın. Girdə
və istiliyə dayanıqlı şüşə qaba yağlı kağız sərib hazırladığınız
qarışığı ora tökün. Səthə çıxan qabarcıqların getməsi üçün qəlibi
bir-iki dəfə mətbəx masasına vurun. Böyük soba sinisinə iki barmaq
qalınlığında isti su töküb şüşə qəlibi onun içinə qoyun.
Deserti
əvvəlcədən isidilmiş 170 dərəcə istilikdə olan sobada 15 dəqiqə, sonra
160 dərəcədə 15 dəqiqə bişirin. Axırda sobanı söndürün. Desertin öz
temperaturunda daha 15 dəqiqə bişməyini gözləyin. Otaq temperaturunda tamamən soyudun. Qəlibindən çıxardıb üzərinə şəkər kirşanı səpib dilimləyin.