"Chanel” moda evinin saatsazları saat həvəskarlarının axtarışında olduqları yeni ideal saatları tapmaqda kömək edəcəklər.
"Chanel” moda evinin zərgərlik xətti "Chanel Boy-Friend” saatlarını təqdim edib. Fransız moda evinin təklif etdiyi kişisayağı saat kolleksiyası zərif, gözəl və bir qədər qəribədir. Amma saatın dizaynı həqiqətən də mükəmməldir. Bu saatlar qadın modellərində nadir rast gəlinən minimalist tərzdə hazırlanıb. Dizaynerlər saatları minimalist stildə kristal daşlarla bəzədiblər. Moda evinin rəhbərliyi əmindir ki, bu saatlar hətta mirvari kimi sadə əşyanı brendin simvoluna çevirməyi bacaran əfsanəvi Koko Şanelin də xoşuna gələrdi.
"Chanel”-in sadiq pərəstişkarları "Boy-Friend” saatlarını almaqda xüsusilə maraqlı olacaqlar.