El arasında belə bir deyim varki, yeni ili hansı əhvali-ruhiyyə ilə qarşılayırsansa, il boyu da həmin əhvali-ruhiyyədə olursan.

Bayram günü hər kəs təzə paltar geyinib, bayramı şən əhvalda sevdiklərinin əhatəsində qeyd etməlidir. Müasir dünyada yeni il dərdlərin, çətinliklərin geridə qalması, eyni zamanda şansın, xoşbəxtliyin başlanğıcını qeyd etmək kimi qəbul olunur.

Ümumiyyətlə, biz hamımız il ərzində kasıblıqdan, pulsuzluqdan qorxuruq. Bu səbəblə yeni ildə bir çox inanclar evə pulun girməsi üçün tətbiq olunmaqdadır. Məsələn, Yeni İldə borc vermək və borc pul almaq olmaz.

Yeni il daxil olarkən əlinizdə və stolun üstündə pul olsun. Bu il ərzində evinizdə daim ruzinin olması üçün həyata keçirilən bir inancdır.

Evdə ruzinin azalmaması üçün bayram günü evdən qonşuya kibrit və ələk vermək olmaz. Bundan əlavə, il dəyişərkən ürəyinizdə arzu tutun ki, il ərzində həyata keçsin.

Arzularınızın yerinə yetməsi üçün digər bir inancda var. Belə ki, il təhvil olmamışdan əvvəl kağıza arzunuzu yazırsınız, saat 12-i tamamda kağızı yandırın, külünü şampanın içinə atın, için. ATV.az