Uşaqlarda burun qanaxmaları

Müəllif: Narın Yağış
Şərhlər:
Baxılıb: 1823
Paylaş:
Səs ver:
(səs: 0)
Uşaqlarda kifayət qədət tez-tez burun qanaxmaları olur. Hətta bəzi hallarda qanaxma xeyli miqdarda olmaqla, uşağın sağlamlığı üçün təhlükəli də ola bilər.

Burun qanaxmasının səbəbini müəyyən etmək üçün ilk növbədə aşağıdakıları aydınlaşdırmaq lazımdır:
1. Travmanın olub-olmaması (əksər hallarda uşaqlar burunlarını "qurdalayaraq” onu zədələyirlər);
2. buruna yad cicmin düşüb-düşməməsi. Bu halda burundan qanla birlikdə pis qoxulu ifrazat da xaric olur. Bunu dəqiqləşdirmək üçün uşağı mütləq burun-boğaz-qulaq həkiminə göstərmək lazımdır;
3. Uşağın uzun müddət ərzində günəş altında olması.
Uşağın bədənində tez-tez göyərmiş sahələrin yaranması ilə yanaşı burun qanaxmasının da baş verməsi – onun tez bir zamanda həkim hematoloq tərəfindən müayinə edilməsini tələb edir. Digər halda, burun qanaxması ilə yanaşı başda pulsasiya şəkilli baş ağrılarının olması arterial təzyiqin yüksəlməsinin əlaməti ola bilər.
Burun qanaxmasını saxlamaq üçün, bədənini bir qədər önə əymək şərti ilə uşağı otuzdurmaq lazımdır. Heç bir halda uşağı uzandırmaq və ya başını xeyli arxaya tərəf əymək olmaz. Çünki bu zaman qan udlaq vasitəsilə yemək borusuna və ya daha qorxulu hal hesab edilən nəfəs borusuna axa bilər. Qan axan burun yoluna 3%-li hidrogen peroksid məhlulunda (və ya adicə soyuq suda) isladılmış zolaq şəkilli tənzif parçası daxil etmək, daha sonra isə burun pərlərindən yuxarı olmaqla burunun yumşaq hissəsini 5 dəqiqə ərzində barmaqlarınızla sıxmaq (iri yaşlı uşaqlar bunu özləri də edə bilərlər) lazımdır. Qanaxma davam edərsə, burunu daha 10-15 dəqiqə ərzində sıxıb saxlamaq lazımdır. Qanaxma dayandıqdan sonra tənzif zolağını burundan xaric etmək üçün onu pipet ilə bir qədər islatmaq lazım gəlir.
Burun qanaxması zamanı uşaqlar üçün olan damardaraldıcı burun damcıları (naftizin, nazol bebi və s.) da bu halda yaxşı kömək edir. Əgər uşaq qrip, KRVİ ilə xəstə deyilsə, burunun üst hissəsinə hər hansı bir soyuq (burun boşluğunda olan damarların sıxılması üçün) əşya (məsələn, sellofan paketdə olan buz kubları, soyuducuda olan və sellofan paketə və ya əskiyə bükülmüş hər hansı donmuş məhsul) qoymaq olar. Bu zaman uşağa danışmağa, öskürməyə, burnunu çəkməyə də icazə verməyin!
Uşaqda burun qanaxması güclü olarsa və görülən tədbirlərə baxmayaraq onu saxlamaq mümkün olmazsa, tez bir zamanda "təcili yardım” çağırmaq və ya uşağı yaxınlıqdakı tibb müəssisəsinə çatdırmaq lazımdır!

loading...
(səs: 0)
Şərhlər:
Baxılıb: 1823
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Saytın hansı bölməsini xoşlayırsınız?

Qadınla.Com həyatı
Gündəm - Magazin xəbərləri
Moda
Gözəl qadın
Bizim mətbəx
Sağlıqlı yaşam
Hamiləlik və Analıq
Qadın və Cəmiyyət
Münasibətlər
Həyat tərzi
Bürclər və Qoroskop
Bölümlü Hekayələr
Kişi dünyası
Oyunlar
Video - Musiqi

 
 

Qadın testləri

Aylıq arxiv