2. DOLU, AMMA ENSİZ DODAQLAR
Romantik qadın
Bu tip xanımlarda birinci yerdə emosiyalar durur, soyuq hesablamalar yox. Ona görə də, ona elə gəlir ki, uşaq vaxtı onu böyük bir yelləncəyə qoyublar, amma götürməyi unudublar. Çünk onun həyatı daimi yüksəlişlərdən və enişlərdən ibarətdir. O, daim köməyə tələsən cizgi filmi qəhrəmanları Çip və Deylin həyatını yaşayır sanki. Bu qadın dərdinizə şərik bir dəst salfetlə sizinlə birlikdə ağlamağa daim hazırdır - bundan gözəl ağlamaq üçün çiyin tapmaq olmaz. Təəccüblü deyil ki, onu çoxları bəyənir. Amma medalyonun başqa tərəfi də var - bu romantik qadın tipi problemlərin dərininə getməyərək, özünü aldatmaqla onlara göz yummağa üstünlük verir.
Onun xəyalındakı ideal kişi parıltılı jurnallardakı illustrasiyalardakı oğlanlarla romantik romanların qəhrəmanları olan oğlanların qəribə qarışığından ibarətdir. Kişilər çox vaxt bu cür qadın tiplərini bəyənirlər, çünki elə fikirləşirlər ki, nə desələr bu tip qadın onlara inanacaq. Amma kişilər bu fikirlərində çox vaxt yanılırlar.
3. ÜST DODAQ ALT DODAQDAN DOLU OLAN DODAQLAR
Rəhbərlik etməyi sevən qadınlar
Bütövlüyə malik olan qadın tipidir - bir işin qulpundan yapışdısa hissləri, hesabatları, düzgün ardıcıl hərəkətləri ilə mütləq bu işin sonuna gedib çatacaqdır. Bu, onun cazibədarlığınıpozmur, çünki o nə istədiyini dəqiq bilir. O, aktiv hərəkətə yalnız özünə 200% əmin olduqda keçir. Onun həyatda hədəfi - "Ya hər şey, ya da heç nə!". Həyatda hansısa işi yarımçıq qoyan insanlar onu qıcıqlandırır.
İstədiyi nəticəyə çatmağa isə ona qüruru və özünə verdiyi yüksək dəyər kömək edir. Bu qadın xarizma daxil olmaq şərti ilə çox böyük liderlik xüsusiyyətlərinə sahibdir. O, hər şeyə müəyyən ardıcıllıq verməyə çalışır və onun daha yaxşı nəticəyə nail olmaq məqsədi ilə atdığı bu addımlar münasibətləri gərginləşdirəndə o, çox təəccüblənir. Onun seçdiyi kişi onun özü kimi ambisiyalı bir insan olmalıdır və ona yeni zirvələrin fəth olunmasında dəstək olmalıdır. Onun nigahları uzunmüddətli nigahda qalmasını mümkün edən yeganə amil hər iki tərəfin kompramisə getmək bacarığıdır.
4. ALT DODAQ ÜST DODAQDAN DAHA DOLU OLAN DODAQLAR
Sirli, naməlum qadın
O, həmişə diqqət mərkəzindədir, çünki daim başqalarından seçilir, o hamı kimi deyil. Kişilər onun ardınca dərindən ah çəkərək həsrətlə, qadınlar isə paxıllıqla baxırlar. Bu qadın hər qabağınıza çıxan qadının geyindiyi geniş yayılmış bir paltarı geyinib hamı kimi olmaqdansa, kartof kütləsinin altında qalmış kisəni geyib fərqli olmağı daha üstün tutur. O daim özünü individual, təkrarolunmaz hiss eləmək istəyir və əslində elə də olur. Bu, həm geyim tərzində, həm də hərəkətdə öz əksini tapır.
O dəqiq bilir ki, ona tamamilə fərqli bir həyat yoldaşı lazımdır, hətta onu tapmağa çox vaxt sərf etsə də o, o insana rast gəlməyincə ailə haqqında düşünməz. Bu, sirli, naməlum qadın pərəstişkarlar baxımından heç vaxt korluq çəkmir, kişilər daim onu ətrafında pərvanə kimi süzürlər, amma onun diqqətini ilk baxışdan onun gözəlliyinə vurulmayan insan cəlb edə bilər ancaq.
5. NAZİK, ENLİ DODAQLAR
Realist qadın
O, həmişə ayaqları üstdə möhkəm dayanır - "qumdan qalalar" ona tamamilə yad bir məfhumdur. Realist qadın hər şeyi əvvəldən planlaşdırmağı sevir - yeni il hədiyyələrini artıqpayızdan alıb qoyur, səyahətdən bir ay öncə çamıdanlarını hazır eləyir və daim da bu prosesdən həzz alır. O, beynindən sümüklərinə qədər bədəninin hər hissəsindəpraqmatikdir və sevən kimi şəhrayı eynək taxıb hər şeyi unutmağa tələsmir. Çox fövqəladə bir hal olmalıdır ki, bu tip qadın barmağı ilə suyun tempraturunu yoxlamadan, dərinliyi qiymətləndirmədən və su dibinin relyefini bilmədən suya baş vursun.
O, "hər şey özümdə" devizi ilə yaşayır. O, insanlar qarşısında hisslərini biruzə verməkdən daim qaçdığı üçün insanlarda özü haqqında daşqəlbli və soyuqqanlı biri olduğu təəssüratını yaradır. Amma bu yanlış təəssüratdır - çünki sadəcə olaraq, digər insanlara nisbətdə ona hisslərini bəlli etmək daha çətindir. Bu tip qadın stabilliyi sevir və həyatında öncədən hər şeyin necə olacağını görə bilmə hissindən həzz alır. Onun arzularındakı kişinin bəxti gətirib - çünki bu qadının ürəyini ələ almaq üçün heç bir romantik hoqqabazlıqlar lazım olmayacaq - sadəcə etibarlı biri olmaq kifayətdir.