Hansı xalq üsulundan istifadə edib ,saç tökülməsinin qarşısını almaq olar?
Təqdim edəcəyim üsul sizi bir az qorxuda bilər,lakin sınaqdan keçirməyə dəyər.Bunun üçün sizə 1 litr su,1 çay qaşığı təmiz nöyüt (nöyüt saxta olmamalıdır) və 1 xörək qaşığı duz lazım olacaq. Nöyütü və duzu suda yaxşıca həll edib,saçınızı şampunla yuduqdan sonra yaxamalısınız.Prosedur 14 dəfə təkrar olunmalıdır.
Qeyd edim ki,nöyütün qoxusu saç quruduqdan sonra çəkilir.

Məsləhət:
Saçları çox isti və ya soyuq su ilə yumaq məsləhət görülmür.Suyun optimal dərəcəsi 35-45 dərəcə olmalıdır.Yağlı saçları sərin su ilə yumaq lazımdır.Saçlar ən azı iki dəfə sabunlanmalıdır: bu onunla əlaqədardır ki, birinci sabunlanmada saçlarda olan çirkin ,tozun və dəri piyinin yalnız bir hissəsi təmizlənir,şampunun müalicəvi təsiri isə təkcə ikinci dəfədən sonra özünü göstərir.Həmçinin ,unutmayın ki,şampun və digər saç vasitələrini istifadə etdikdən sonra saçları su ilə elə yumaq lazımdır ki,bu vasitələrin qalıqları saç üzərində qalmasın.

Maskalar:
Yağlı saçlar üçün: 2-3 xörək qaşığı quru xardalı su ilə qarışdırıb ,saçların dibinə çəkin və 5 dəqiqədən sonra ilıq su ilə yaxalayın.

Quru saçlar üçün: 20 qram gənəgərçək yağı ilə 20 qram bitki yağını qarışdırın və üzərinə 10 qram quru saçlar üçün şampun əlavə edin.Maskanı 3-6 dəqiqə saxladıqdan sonra su ilə təmiz yaxalayın.

Normal saçlar üçün: çovdar çörəyini ovxalayın,qaynar suda 2-3 saatlıq isladın.Alınmış həlimi saçınızın dibinə sürtün və1,5-2 saat gözləyin.Sonda saçınızı su ilə bol-bol yaxalayın.