Uşağın nəcis ifrazı normal olmalıdır. Bu çox vacibdir. Yeni doğulmuşların nəcisi normada açıq-sarı rəngdə, turş süd iyli və xardal bərkliyində olur.

Uşaq həm hər yeməkdən sonra kiçik porsiyalarla, həm də gündə 1-2 dəfə bayıra gedə bilər.
Uşaq 2 gündən bir nəcis ifraz edərsə və bu zaman heç bir narahatlığı olmazsa, nəcis kütləsi isə yumşaq olarsa, bu normal sayıla bilər (hər halda pediatrlə məsləhətləşmək lazımdır).
Əlavə qida almağa başlayan uşaqların nəcisi qəhvəyi rəng alır. Nəcisdə qan, selik olarsa və onun rəngi yaşıla çalarsa, mütləq həkimə müraciət etmək lazımdır. Bu əlamətlər uşağın bağırsaqlarında patoloji mikrobların olmasına dəlalət edir. Ən təhlükəli mikroblar - stafilokokklar, koli, göy irin çöpləri, proteylər, klebsiyellalardır.