Həyat velosiped sürməyə bənzəyir. Tarazlığını saxlamaq üçün dayanmadan hərəkət etmək lazımdır “.Bəli, tamamilə doğrudur. Əgər biz yıxılmasaq, səhvlər etməsək əsla bu həyatı dərk edə bilmərik. Həyatın təməli də elə bundan ibarətdir. Mükəmməl bir yaşam tərzimiz, həyatımız olsa necə sıxıcı olar heç düşünmüsüz? Əsas qayə bundan ibarətdir ki, hər addımında yeni bir şey öyrənəsən, özün üçün həyati dərslər çıxarmağı bacarasan. Çünki, həyat heç zaman özünü tapmağla bağlı bir şey olmayıb. Əksinə həyat- özünü yaratmaq deməkdir. Bu həyatda başımıza gələ biləcək çox şey demək olar ki, öz əlimizdədir. İnsan qazandıqlarının da, itirdiklərinin də dəyərini bilməlidir hər zaman. Çünki bunları dərk etməsə, əlində olan hjəyatının da dəyərini dərk edə bilməz. Ən əsası isə həyatda ən vacibi qazandıqlarımızı istifadə etmək deyil. Bunu hər kəs edə bilər. Əslən vacib olan itkilərimizdən qazanc əldə edə bilmə bacarığıdır. Bu zəka tələb edir. Ağıllı insanlarla axmaq insanlar arasındakı ən böyük fərq də budur.