Öpüş partnyorların genetik xarakteristikalarını öyrənmək və əlaqələrin
möhkəmlənməsi üçün vacibdir. Milli.Az Rusiya mətbuatına istinadən xəbər
verir ki, Oksford Universitetinin alimləri apardıqları araşdırmalar
nəticəsində belə bir qənaətə gəliblər.
Tədqiqatın müəlliflərindən Rafael Vlodarski deyir ki, öpüşün intim münasibətlərdəki rolunu izah edən üç əsas nəzəriyyə var.
"Bunlardan
birincisi odur ki, öpüş vasitəsi ilə insan potensial nikah partnyorunun
genetik materialını öyrənə bilər. Öpüşün digər rolu isə ehtirası
artırmaqdır. Üçüncüsü isə öpüşün münasibətləri qoruyub saxlamasıdır. Biz
nəzəriyyələrdən hansının həqiqətə uyğun olduğunu öyənməyə çalışdıq", - o
əlavə edib.
Tədqiqat zamanı 18-65 yaş arası 900 nəfərin (308 kişi, 594 qadın) rəyi soruşulub.