"Proto Thema"ya istinadən bildirir ki, böhranın çox qısa müddətdə yoxsullaşdırdığı ailələr çıxış yolu arayırlar. İndiyədək mühafizəkar, ailə dəyərlərinə ifrat dərəcədə sadiq ev xanımı olan yunan qadınlar arasında isə ailəni dolandırmaq üçün fahişəliyə başlayanların sayı dalğavari sürətlə çoxalır.

İş o yerə çatıb ki, Afinada hər gün şər qarışan kimi minlərlə evdar qadın evdən küçələrə çıxaraq "müştəri ovu"na başlayır.

Küçələrdə fahişəlik edən evdar xanımlarla yanaşı, yoxsullaşmış yunan tələbə qızlar da vücudlarını satmağa başlayıblar. Gənc tələbə qızlar bunun üçün internetdə elanlar verirlər.

Yunanıstan Səhiyyə Nazirliyinin açıqlamasında bildirilir ki, gündüzlər normal və mühafizəkar evdar qadın, bir və bir neçə uşaq anası olan xanımlar axşam düşən kimi fahişəlik etmələri ilə yanaşı, bu "iş"də "təcrübəsiz" olduqlarından çoxsaylı dəri-zöhrəvi xəstəliklərinə yoluxurlar.

"Uşaqlarını doyunca yedirdə bilməyən anaların naçar qalaraq fahişəlik etmələrini görmək dəhşətdir. Yer yarılsa, yerə girərik", - Afinadakı polis zabitlərindən biri deyib.